"મુબારક"
સહુને સહુના ઘર મુબારક
ઉપરછલ્લા થર મુબારક!
ભીના-કોરા સગપણ વચ્ચે
સંબંધો, દુષ્કર મુબારક
છુટ્ટા, ભેળાં, કે સહિયારા
સપનાંઓ સધ્ધર મુબારક
લૂણોખાતી ભીંતો ઓથે
ઉજવાતા અવસર મુબારક!
મૂંગી તસ્વીરોની નીચે
બોલકણાં અક્ષર મુબારક
બે-કાંઠે ધસમસ પ્રશ્નોનાં
કાંઠાળા ઉત્તર મુબારક!
વત્તા, ઓછા, ગુણ્યા, ભાગ્યા
સરવાળે સરભર મુબારક!
- ડૉ. મહેશ રાવલ
1 Comments:
aapane aapni gazal mubarak
bahu j sunder !!
Post a Comment
Subscribe to Post Comments [Atom]
<< Home