રાખી છે...


તરસને સાવ બારોબાર રાખી છે
પ્રસંગોપાત, ધારોધાર રાખી છે।

તમે રાખી નજર કાયમ કિનારાપર
અમે, સાતેય દરિયાપાર રાખી છે!

હજૂ ક્યાં કોઇએ ચર્ચા ઉખેડી છે?
છતાં, આખી કથા તૈયાર રાખી છે।

લડીલેશું સમયઆવ્યે, બધીરીતે
પ્રથમથી, જાતને ખુંખાર રાખી છે!

તમે ખુદથી અજાણ્યાથઇ ફરો છો, નેં
અમે કુદરતનેં હિસ્સેદાર રાખી છે!

ખબર છે કોઇ નહીંઆપે કશું, છેલ્લે
અપેક્ષા, આપ-લે ની બહાર રાખી છે!

દિવંગત સ્વપ્નનાં અવશેષવચ્ચે, પણ
સજીવન સ્વપ્નની ભરમાર રાખી છે!


ડૉ. મહેશ રાવલ