આ........છે
આ,દિવંગત સ્વપ્નનો અંબાર છે
તૂટતા સંબંધનો ચિત્કાર છે
દઈગયા જે હાથતળી,ઍ બધાં
પર્વ જેવા લાગતાં અણસાર છે
શું હતું બીજું નહીંતર આપણું?
છે પરસ્પર લાગણી,ચિક્કાર છે
અર્થ કેવળ એટલો અસ્તિત્વનો
કાચ માથે,પથ્થરોનો ભાર છે!
એ અલગ છે કે,વિલંબે ફળ મળે
પણ,દુવાઓની અસર પુરવાર છે
જાય છે રસ્તા બધા,એ દ્વાર લગ
એક ભીતર, એક બારોબાર છે
-ડૉ.મહેશ રાવલ
1 Comments:
શું હતું બીજું નહીંતર આપણું?
છે પરસ્પર લાગણી,ચિક્કાર છે
અર્થ કેવળ એટલો અસ્તિત્વનો
કાચ માથે,પથ્થરોનો ભાર છે!
જાય છે રસ્તા બધા,એ દ્વાર લગ
એક ભીતર, એક બારોબાર છે
-સ્પર્શી જાય એવા શેર...
Post a Comment
Subscribe to Post Comments [Atom]
<< Home