વાત લાવ્યો છું !
અધૂરાં ઓરતાંની વાત લાવ્યો છું
મળી, એ મૂળરૂપે જાત લાવ્યો છું !
નિચોવ્યો શબ્દને આખો, નવેસરથી
મળેલાં અબ્ધિ સાતે-સાત લાવ્યો છું
ઈજારો માન્ય કેવળ એક, ઈશ્વરનો
ખુમારી એજ, એ જઝબાત લાવ્યો છું
અનિર્ણિત રહી ગયાં જે કારણે નિર્ણય
તમારાં, સર્વ ચંચૂપાત લાવ્યો છું !
અસર, કાંટા ય ફૂલો જેમ ભોગવશે
હવાઓની અસલ ઓકાત લાવ્યો છું !
ન ફાવ્યાં દુશ્મનો, ત્યાં દોસ્ત ફાવ્યાં છે
વરદ્હસ્તે મળેલી ઘાત લાવ્યો છું !!
ન વત્તા થઈશકી, કે બાદ પણ ન થઈ
અહીં, એ શક્યતા સક્ષાત લાવ્યો છું !
ડૉ.મહેશ રાવલ
0 Comments:
Post a Comment
Subscribe to Post Comments [Atom]
<< Home