Thursday, April 24, 2008


બને નહીં !

હશે કોઇ કારણ,નહીંતર બને નહીં
હ્રદય કોઇનું સાવ પથ્થર બને નહીં !

દિવસ જેમ ઊગી હશે કોઇ બાબત
કદી સામટા પ્રશ્ન,ઉત્તર બને નહીં !

અજુગતું કશુંક જો બને ,તો અલગ છે
મનુષ્યો,મિલનસાર અક્સર બને નહીં !

સમાધાન કરવું પડે,જાત સાથે
અને જાત અમથી ઉજાગર બને નહીં !

વિષય હોય નાજુક,તો ચર્ચાય ચોરે
બધી વાતનું કઈં વતેસર બને નહીં !

થયું હોય સાહસ,અસામાન્યરીતે
અમસ્તું જ,સામાન્ય સધ્ધર બને નહીં !

વધી જાય નખ,તો ત્યજે ટેરવાંને
છતાં,મૂળ સંબંધથી પર બને નહીં !


ડો.મહેશ રાવલ

1 Comments:

At 11:41 PM , Blogger વિવેક said...

હોય એની વાત કરવી,

રોજ શેની વાત કરવી ?


- ફરી એકવાર સુંદર ગઝલ...

 

Post a Comment

Subscribe to Post Comments [Atom]

<< Home