મને....!
મારા જ સરનામે લખું કાગળ મને
હું મોકલું છું ચીતરેલું જળ, મને !
વર્ણન કરી વરસાદ મૂશળધારનું
આપ્યા કરૂં છું ઓળખીતું છળ, મને !
ખોલું રહસ્યો હું ય મારા, શક્ય છે
મળતી નથી એકેય રીતે કળ, મને !
નક્કર ખુલાસા ક્યાં હતાં કે દઈ શકું ?
છેલ્લે પછી હું ખુદ કરૂં આગળ, મને !
સંભવ નથી કંઈ આપવું, ખળખળ હવે
કાંઠાળ ઉભરા પીરસું, હરપળ મને !
ડો.મહેશ રાવલ
0 Comments:
Post a Comment
Subscribe to Post Comments [Atom]
<< Home