Monday, May 05, 2008

દઈબેઠો !


નકામા છે ખબર છે તોય એને કામ દઈબેઠો
અધૂરા સ્વપ્નને હું સાવ અંગત નામ દઈબેઠો !

નથી રહેતી ખબર છે કોઇ મોસમ કાયમી,અહીંયાં
છતાં હું પાનખરને હરવખત,ઈલ્ઝામ દઈબેઠો !

અલગ છે કે નથી આરંભ થઈ ચર્ચા,કથાનકની
ખબર નહીં કેમ હું આગોતરા અંજામ દઈબેઠો !

બધા સંબંધ પાછળ કંઈક મતલબ હોય છે,નક્કી
બે-મતલબ સાવ,સહુનેં લાગણી બે-ફામ દઈબેઠો !

નજીવા કારણો ક્યારેક રસ્તો આંતરી બેસે
હતાં ભયસ્થાન તો પણ,આગવા આયામ દઈબેઠો !

પછી,મારી સમસ્યા હરતબક્કે બેવડાતી ગઈ
વિવાદાસ્પદ વિષય પર ટિપ્પણી સરેઆમ દઈબેઠો !

અકારણ,સાવ અમથી,કોણજાણે શું કમત સૂઝી
કુતૂહલવશ,લયાન્વિત શ્વાસને વિરામ દઈબેઠો !

ડો.મહેશ રાવલ

3 Comments:

At 10:52 PM , Blogger વિવેક said...

સુંદર રચના...

 
At 5:21 PM , Blogger Harshad Jangla said...

Maheshbhai
V Nice gazal.
Can u write the meaning of Ayaam & Layanvit plz?
-Harshad Jangla
Atlanta, USA
May 6, 2008

 
At 1:12 AM , Blogger Unknown said...

saras vaat kahi chhe.

 

Post a Comment

Subscribe to Post Comments [Atom]

<< Home