નકામું છે હવે !
આ ભીડમાં ભળવું,નકામું છે હવે
મન ક્યાંય સાંકળવું,નકામું છે હવે !
દેખાય છે એવું ખરેખર કંઈ નથી
દ્રષ્યો તરફ વળવું,નકામું છે હવે !
લોકો ય વિસ્ફોટક બની સામા મળે
સરેઆમ નીકળવું,નકામું છે હવે !
છે ગુમશુદા અધિકાંશ ઘરથી,ઘરપણું
ઘરમાં ય ઓગળવું,નકામું છે હવે !
શંકા ભરી નજરે જુએ છે,હરનજર
અહીં કોઇને મળવું નકામું છે હવે !
ડો.મહેશ રાવલ
1 Comments:
લોકો ય વિસ્ફોટક બની સામા મળે
સરેઆમ નીકળવું,નકામું છે હવે !
- સાચી વાત... કશુંય કામનું હોય એમ લાગતું નથી...
Post a Comment
Subscribe to Post Comments [Atom]
<< Home