તરત ચર્ચા થશે...
વાત વિસ્તારો,તરત ચર્ચા થશે
સ્હેજ પરવારો,તરત ચર્ચા થશે
આમ તો સંતાડવાનું છે ચલણ
આંસુઓ સારો,તરત ચર્ચા થશે !
સ્વીકૃતિ દઈને જ આગળ જઈ શકો
તોડશો ધારો,તરત ચર્ચા થશે !
"ઘર બધાનાં છે અહીંયાં કાચના"
જો ન સ્વીકારો,તરત ચર્ચા થશે !
નોંધ નહીં લેવાય,જો જીવો સહજ
કાં મરો,મારો,તરત ચર્ચા થશે !
માત્ર, ઉત્તર આપવાની છે પ્રથા
પ્રશ્ન ઉચ્ચારો,તરત ચર્ચા થશે !
પાંખ કંઈ આશ્ચર્યની ઘટના નથી
આભ લલકારો,તરત ચર્ચા થશે !
ડો.મહેશ રાવલ
posted by ડૉ.મહેશ રાવલ @ 3:24 PM
4 Comments
4 Comments:
જીવનમાં ચર્ચાસ્પદ બનવાના પ્રસંગોને સાંકળતું સુંદર શાબ્દિક ચિત્ર.
Very true.
But why bother for it? Live as you want to. Let charcha do its role..
નોંધ નહીં લેવાય,જો જીવો સહજ
કાં મરો,મારો,તરત ચર્ચા થશે !
વાહ
આઘાતથી આવું થશે નહોતી ખબર મને,
સાબૂત સૌ ભીંતો રહી તોરણ બળી ગયાં
માત્ર, ઉત્તર આપવાની છે પ્રથા
પ્રશ્ન ઉચ્ચારો,તરત ચર્ચા થશે !
વાહ વાહ
ચર્ચા કરી રહ્યો છું સુરાલયમાં ધર્મની
મારાને સંતના સમાગમનું શું થશે?
સુંદર ગઝલ.. રદીફ પણ મજેદાર અને બાની તો હંમેશ મુજબની જ....
Post a Comment
Subscribe to Post Comments [Atom]
<< Home