તસ્વીરમાં...
જે તે સમયના ભાવ છે તસ્વીરમાં
જાણે, હજૂ પ્રસ્તાવ છે તસ્વીરમાં !
ઈતિહાસ જાજરમાન છે,આ રંગનો
ઉંડાણ છે, ઘેરાવ છે, તસ્વીરમાં !
યોજાય છે પ્રશ્નોતરી એકાંતમાં
થીજી ગયેલી રાવ છે, તસ્વીરમાં
સપનું ગણીને ભૂલવાની છે, કથા
પાષાણભેદી સ્રાવ છે તસ્વીરમાં !
છે આમ અંગત સાવ કિસ્સો, તે છતાં
બે-ચાર આળા ઘાવ છે તસ્વીરમાં !
વિશ્વાસ ભારોભાર છલકે જીતનો
હારી ગયા, એ દાવ છે તસ્વીરમાં !
સંબંધ જેવું કંઇ નથી, અસ્તિત્વમાં
બસ, વાસ્તવિકતા સાવ છે તસ્વીરમાં !
ડો.મહેશ રાવલ
1 Comments:
બનાવટી ક્ષણોની ભીડ કહેવાય એટલી તસ્વીરો
કરતાં
આંગળીના વેઢે ગણાય એટલી પણ પ્રસંગની
મૌલિક અને સંવેદનશીલ તસ્વીરોનો સંપૂટ,
તે જ સાચું અને સાચવવા લાયક આલ્બમ ..
જેવી રચના
pragnaju
Post a Comment
Subscribe to Post Comments [Atom]
<< Home