અમુક્ને બાદ કરવાથી !
ઘણું વત્તા થયું છે પણ,અમુક્ને બાદ કરવાથી
ફરી લીલું થયું છે રણ,અમુક્ને બાદ કરવાથી !
નદીની જેમ નીકળી લાગણી,ઉંડાણ બમણું લઈ
વછૂટી એમ,જાણે ધણ અમુકને બાદ કરવાથી !
અધૂરી ક્યાં રહી એકેય રીતે,શક્યતા પોતે ?
હવે ઉભરાય છે હર ક્ષણ,અમુક્ને બાદ કરવાથી !
ખરેખર જિંદગી પોતે જ કિસ્સો છે,અધુરપનો
મળી છે એટલી સમજણ,અમુક્ને બાદ કરવાથી !
નથી રાખ્યાં અમે એકેય કિસ્સા યાદ,અણગમતાં
છતાં પણ યાદ છે બે-ત્રણ,અમુક્ને બાદ કરવાથી !
ડૉ.મહેશ રાવલ
1 Comments:
Thank you for your comment on "ફોર એસ વી -પ્રભાતનાં પુષ્પો" http://forsv.com/guju/
I have included both your blogs in "ફોર એસ વી - સંમેલન" http://www.forsv.com/samelan/
Post a Comment
Subscribe to Post Comments [Atom]
<< Home