વાત,ચકરાવે ચડી !
ઘરમાં જ ઘરની વાત, ચકરાવે ચડી !
સંબંધની મીરાત, ચકરાવે ચડી !
ભરતી પછીની ઓટ એવી વિસ્તરી
કે, ફીણ જેવી જાત ચકરાવે ચડી !
છલકાઈ બેઠાં આખરે, અડધાં ઘડા
જઝબાતની ઓકાત, ચકરાવે ચડી !
ભૂલી જવાયું -ભીંતને પણ કાન છે
ચર્ચાઈ તો, અમીરાત ચકરાવે ચડી !
હોનારતી વાતાવરણથી ગ્રસ્ત થઈ
તો, જિંદગી સાક્ષાત ચકરાવે ચડી !
ડૉ.મહેશ રાવલ
1 Comments:
ભરતી પછીની ઓટ એવી વિસ્તરી
કે, ફીણ જેવી જાત ચકરાવે ચડી !
bahut khub !!!!
Post a Comment
Subscribe to Post Comments [Atom]
<< Home