ચોકડી મારો !
અજાણ્યા થઈ ગયેલાં નામ સામે, ચોકડી મારો !
વિષય કરતાં અલગ, અંજામ સામે ચોકડી મારો!
અરીસાની અધૂરી વારતા, તસ્વીરમાં મળશે
ચુકાદા ફેરવી, પરિણામ સામે ચોકડી મારો !
મનસ્વી હોય એ, સ્વીકૃત નથી કરતાં બધા સત્યો
વસે છે જ્યાં અસત્ એ ગામ સામે ચોકડી મારો !
ન બીજું થઈ શકે તો, એટલું તો થઈ શકે છેલ્લે
કે, હિંમત કેળવી ઇલ્ઝામ સામે ચોકડી મારો !
હવે ક્યાં કોઇ ઘૂંટે છે, જુનાં સંબંધનાં અક્ષર ?
નવેસરથી, બધાં આયામ સામે ચોકડી મારો !
ડૉ.મહેશ રાવલ
0 Comments:
Post a Comment
Subscribe to Post Comments [Atom]
<< Home