Wednesday, January 09, 2008

છોડી જવાનું છે !


બધાંને છેવટે,અડધી રમત છોડી જવાનું છે
અધૂરા ઓરતાં વચ્ચે, જગત છોડી જવાનું છે !

પરસ્પર સાંકળેલાં,અનગિનત સગપણ અને વળગણ
બધું છોડી-વછોડીને, મમત છોડી જવાનું છે !

રમકડું રાખનું આ સાવ તકલાદી વકલનું છે
ક્રમાનુસાર, સહુને માવજત છોડી જવાનું છે !

ભરેલી ફૂંકનો વૈભવ ભલે ઐશ્વર્યશાળી હો
બટકણાં શ્વાસ તૂટે, 'ને તરત છોડી જવાનું છે !

સમય ક્યાં કોઇને બાકાત રાખે છે,અસરમાંથી?
સકળ લીલા સમેટીને ભગત!, છોડી જવાનું છે !


ડૉ.મહેશ રાવલ

1 Comments:

At 8:22 PM , Blogger PayPalian said...

hi12312

 

Post a Comment

Subscribe to Post Comments [Atom]

<< Home