મળે છે!
હવે ક્યાં કશી જાણકારી મળે છે ?
મળે તોય,ક્યાં એકધારી મળે છે!
નથી થઈ શકાતું અલગ,આપણાંથી
અલગતા સ્વયં,નામધારી મળે છે !
ઘણીવાર એવું બને એક ક્ષણ,કે
પછીની ક્ષણો,વેગધારી મળે છે !
ભલે આમ દેખાય અકબંધ ભીંતો
છતાં ક્યાંક,એકાદ બારી મળે છે !
પડે,તો બની જાય ઘેરી સમસ્યા!
નજર ક્યાં બધાનેં ય,સારી મળે છે ?
ડૉ.મહેશ રાવલ
2 Comments:
khub j saras
ઘણીવાર એવું બને એક ક્ષણ,કે
પછીની ક્ષણો,વેગધારી મળે છે !
vaah...nice thought..
Post a Comment
Subscribe to Post Comments [Atom]
<< Home