એથી વધારે કંઈ નથી!
જીવન અધૂરી વાત છે, એથી વધારે કંઈનથી
હરપળ નવી શરૂઆત છે, એથી વધારે કંઈનથી!
સંબંધ કેવળ આપણો, છે આપણીં સાથે જ બસ!
બીજું બધું બાકાત છે, એથી વધારે કંઈનથી!
એકેક પગલું,ફૂંકી-ફૂંકીનેં જ ભરવાનું ,અને
એકેકે પગલે ઘાત છે, એથી વધારે કંઈનથી !
નીકળે તો નીકળે એક-બે અપવાદલઈ, માણસપણું
બાકી, અકોણીં જાત છે, એથી વધારે કંઈનથી !
ઉંડાણ જેવું છે જ ક્યાં એકેય રીતે, કોઇમાં ?
બહુ છીછરી ઓકાત છે, એથી વધારે કંઈનથી !
છે માત્ર દીવો એક, નેં એ પણ અવસ્થાવાન છે
વેંઢારવાનીં રાત છે, એથી વધારે કંઈનથી !
ફૂલી-ફલી શૈતાનીયત,માણસપણાનીં ઓથ લઈ
ઉપલબ્ધ ,એ મિરાત છે, એથી વધારે કંઈનથી !
ડૉ.મહેશ રાવલ
1 Comments:
aapni gazal ni 1 khasiyat chhe... k aap samaj ni vaato khub j sahajta thi karo chho.. :-)
Post a Comment
Subscribe to Post Comments [Atom]
<< Home