જોઇએ !


એકાદ તો આધાર, નક્કર જોઈએ
'નેં હાથવેંતે સાવ, તત્પર જોઇએ !

શું જોઇએ, જો લાગણી જેવું મળે ?
પણ, લાગણી ખુદ સ્વાર્થથી પર જોઇએ

બીજું મળે કે ન મળે બે-ફામ, પણ
શ્રધ્ધા ડગે નહીં, એટલું વર જોઇએ

હું ક્યાં કહું છું, અન્યનાં ભોગે મળે ?
મારો જ હિસ્સો પણ, સમયસર જોઇએ !

વીતી ગયેલી પળ ક્યાં મળે છે પરત
પણ, આવતી હર પળ ઉજાગર જોઇએ !

નક્કી નથી કંઈ એ અલગ છે, તે છેતાં
મારે, સમયનોં સાથ સધ્ધર જોઇએ !

મારી શરત બસ એટલી છે કે, મને
અધિકારપૂર્વક, માત્ર ઈશ્વર જોઈએ !



ડૉ.મહેશ રાવલ