કેન્દ્રમાં, તું હોય છે !
જીવન ગણાતી ગોઠવણના કેન્દ્રમાં, તું હોય છે
'ને શ્વાસ જેવી વેતરણના કેન્દ્રમાં, તું હોય છે !
બદલાય છે કેવળ કલેવર ઉપલું, આગળ જતાં
એ વસ્ત્રના બદલીકરણના કેન્દ્રમાં, તું હોય છે !
નિશ્ચિત કરેલું હોય છે ફળ, કર્મ જેવું-જેટલું
'ને કર્મના અમલીકરણના કેન્દ્રમાં, તું હોય છે!
મૃગજળ,તરસ,જળ,સ્વપ્ન,ઈચ્છા,પર્વ,માતમ,લાગણી
ઓળખ-પરખના આવરણના કેન્દ્રમાં, તું હોય છે !
સંભવ નથી કંઈ-ક્યાંય, મરજી ન તારી હોય તો
પ્રત્યેક ક્ષણના અવતરણના કેન્દ્રમાં, તું હોય છે !
ડો.મહેશ રાવલ
3 Comments:
સુંદર રચના...
વાક્યે-વાક્યે આવતા અલ્પવિરામનું પ્રયોજન સમજાયું નહીં...
Nice.............
મૃગજળ,તરસ,જળ,સ્વપ્ન,ઈચ્છા,પર્વ,માતમ,લાગણી
ઓળખ-પરખના આવરણના કેન્દ્રમાં, તું હોય છે !
sundar rachna
jai gurjari,
chetan framewala
Post a Comment
Subscribe to Post Comments [Atom]
<< Home