કોઇપણ ભોગે !
હવે બસ એકધારૂં થઈ જવું છે, કોઇપણ ભોગે !
ગમે તે થાય, તારૂં થઈ જવું છે કોઇપણ ભોગે !
ચલણ ક્યાં છે હવે, કે અન્યનું થઈ ધન્ય થઈજાવું ?
હવે મારે ય મારૂં થઈ જવું છે, કોઇપણ ભોગે !
હિસાબ જ સાવ ખોટો હોય તો, ક્યાંથી મળે તાળો ?
બધી રીતે બજારૂ થઈ જવું છે, કોઇપણ ભોગે !
ન જાણે કઈ ગણતરીએ મને માણસ બનાવ્યો, તેં
કહ્યું'તું ક્યાં ?- નઠારૂં થઈ જવું છે કોઇપણ ભોગે !
પ્રથા તો મેં ય રાખી છે, નમે એને જ નમવાની
છતાં એકે હજારૂં થઈ જવું છે, કોઇપણ ભોગે !
ડો.મહેશ રાવલ
4 Comments:
હવે બસ એકધારૂં થઈ જવું છે, કોઇપણ ભોગે !
ગમે તે થાય, તારૂં થઈ જવું છે કોઇપણ ભોગે
wah khub saras
saras
સરસ રચના...
su vat che ... really very nice
ava shabdo ave che kyathi Doctor
maja avi gai vanchvani mane to title khub gamyu
Dharmesh Bhadja also Homoeopathic Doctor
Post a Comment
Subscribe to Post Comments [Atom]
<< Home