કોણ આવે-જાય છે ?
અડધા ઉઘાડાદ્વાર વચ્ચે, કોણ આવે-જાય છે ?
આ ધુંધળા અણસાર વચ્ચે, કોણ-આવે જાય છે ?
સપનાં મઢેલી પાપણે, શબ્દો વગરની વાતમાં
ગઈકાલ ને અત્યાર વચ્ચે, કોણ આવે-જાય છે ?
મેંદીભરેલા હાથનું ઐશ્વર્ય લઈ અકબંધ, અહીં
બે-ખોફ, અનરાધાર વચ્ચે કોણ આવે-જાય છે ?
કરવી પડે છે ખાતરી-સરખામણી, નક્કરપણે
બે શ્વાસનાં વિસ્તાર વચ્ચે, કોણ આવે જાય છે ?
છે ધુંધળી, પણ શક્યતા ઓછી નથી સંધાનની
અહીં લક્ષ્ય ને નિર્ધાર વચ્ચે, કોણ આવે-જાય છે ?
ભીતર ધધખતો હોય ધૂણો, આવરણ હો રાખનું
ત્યાં ફૂંક, ને અંગાર વચ્ચે કોણ આવે-જાય છે ?
જીવન-મરણ વચ્ચે રમત રમતું, અનાહત તત્વ-શું ?
આકાર-નિરાકાર વચ્ચે, કોણ આવે-જાય છે ?
બે-રંગ આંખે, રંગનો છંટકાવ કરતી નીકળે
એ રંગ, એ બૌછાર વચ્ચે કોણ આવે-જાય છે ?
દાયીત્વ કોનું હોય છે સંબંધની ભીનાશમાં ?
'ને લાગણી, વ્યવ્હાર વચ્ચે કોણ આવે-જાય છે ?
ઊંડાણનું અસ્તિત્વ, નિર્ભર હોય છે કોના ઉપર ?
નિશ્ચિત-અનિશ્ચિત ધાર વચ્ચે, કોણ આવે-જાય છે ?
કાંડાવગરનાં હાથ પાસે, હોય શું સંતાડવા !
ધરપત અને ધિક્કાર વચ્ચે, કોણ આવે-જાય છે ?
ડો.મહેશ રાવલ
5 Comments:
કાંડાવગરનાં હાથ પાસે, હોય શું સંતાડવા !
ધરપત અને ધિક્કાર વચ્ચે, કોણ આવે-જાય છે ?
- સરસ !
ઊંડાણનું અસ્તિત્વ, નિર્ભર હોય છે કોના ઉપર ?
નિશ્ચિત-અનિશ્ચિત ધાર વચ્ચે, કોણ આવે-જાય છે ?
સપનાં મઢેલી પાપણે, શબ્દો વગરની વાતમાં
ગઈકાલ ને અત્યાર વચ્ચે, કોણ આવે-જાય છે ?
બે શ્વાસનો વિસ્તાર બસ એટલી જિંદગીને છતાં
"કરવી પડે છે ખાતરી-સરખામણી, નક્કરપણે"
એ અનાહત તત્વની....
જીવન-મરણ વચ્ચે રમત રમતું, અનાહત તત્વ-શું ?
આકાર-નિરાકાર વચ્ચે, કોણ આવે-જાય છે ?
સરળ પ્રશ્નોની શૃંખલામાં ગૂઢ કોયડા વણી લેતી ગઝલ. 'વાહ ક્યા બાત હે?' કહીને સંતોષ ન લેવા દે અને બે ઘડી વિચારતા કરી મૂકે એવી ગઝલ! આપની ઘણી ગઝલોની જેમ આ ગઝલ પણ મુશાયરાનો દાયરો વટાવી એક કાવ્ય રૂપે પ્રકટ થઈ છે અને એટલે મને ગમી છે.
સરસ દીર્ઘ ગઝલ...
Wah Maheshbhai.
Aakhi Gazal saras Chhe.
Post a Comment
Subscribe to Post Comments [Atom]
<< Home