ઠોકરો ખાધી...
બદલતી હર અસરની ઠોકરો ખાધી
અમે, કારણ વગરની ઠોકરો ખાધી !
ઉઘડતી ગઈ નજરની ભૂખ, સરવાળે
છતી આંખે, નજરની ઠોકરો ખાધી !
ઘણાંએ માત્ર ખાધી છે ઉપરછલ્લી
ઘણાંએ, જાતપરની ઠોકરો ખાધી !
ગજા ઉપરાંત જોયાં જેમણે સપના
બધાએ, એજ બરની ઠોકરો ખાધી !
પરોક્ષ જ ઠીક છે વહેવાર, ઈશ્વરથી
નકામી દર-બ-દરની ઠોકરો ખાધી !
જુઓ સંજોગ કે, મૂક્યું હતું પાણી
ફરીથી એ નગરની ઠોકરો ખાધી !
વળ્યું નહીં કંઈ અને આંખે થયાં અમથા
ઉપરથી, સાવ ઘરની ઠોકરો ખાધી !!!!
ડો.મહેશ રાવલ
2 Comments:
પ્રત્યેક માણસ ઠોકરો ખાતો હોય છે...પ્રત્યેક ઠોકર કશુંક નવું શીખવી જાય છે..કોઈની ચોટ ઉપરછલ્લી હોય તો કોઈની ઉંડી હોય...આ વાતનું શબ્દોમાં સુંદર નિરૂપણ.
again... nice one..
Post a Comment
Subscribe to Post Comments [Atom]
<< Home