Friday, December 12, 2008


તો સનસનાટી...!

ધારણા ખોટી પડે, તો સનસનાટી
વાત ચકરાવે ચડે, તો સનસનાટી

બહુ જ કપરી છે સવારી, સ્વપ્ન અશ્વે
સ્હેજ પણ એડી અડે, તો સનસનાટી

હોય જો મનમેળ તો મતભેદ શેનો ?
લાગણી ઠેબે ચડે, તો સનસનાટી !

પારદર્શક હોય છે સંબંધનું ઘર
કંઈક જો આડું નડે, તો સનસનાટી

રથ ફરે દાંપત્યનો, બન્ને ય પૈડે
એક પૈડું જો ખડે, તો સનસનાટી

સાવ નાજુક હોય છે દોરી, પ્રણયની
એકપણ આંટી પડે, તો સનસનાટી

સનસનાટી એટલે કે સનસનાટી
કોઇને પણ આભડે, તો સનસનાટી


ડો.મહેશ રાવલ

2 Comments:

At 3:36 AM , Blogger Unknown said...

રથ ફરે દાંપત્યનો, બન્ને ય પૈડે
એક પૈડું જો ખડે, તો સનસનાટી

સાવ નાજુક હોય છે દોરી, પ્રણયની
એકપણ આંટી પડે, તો સનસનાટી



vaah vaah vaah uncle... kaja aavi gai..

 
At 6:02 AM , Blogger વિવેક said...

સુંદર ગઝલ... સનસનાટીનો સ-રસ પ્ર-યોગ!

 

Post a Comment

Subscribe to Post Comments [Atom]

<< Home