Tuesday, July 15, 2008


'ને,નીકળ્યો છું !


હતું એ ત્યાં જ છોડી દઈ,'ને નીકળ્યો છું
તને મળવાની ઈચ્છા લઈ,'ને નીકળ્યો છું !

પ્રતીક્ષા ક્યાંસુધી કરવી,ઉચક્જીવે ?
પ્રતીક્ષા ખુદ સમસ્યા થઈ,'ને નીક્ળ્યો છું !

નથી કંઈ હાથમાં,તો શું કસું મુઠ્ઠી ?
હકીકત સ્પષ્ટ થાતી ગઈ,'ને નીકળ્યો છું !

બધું છે આમ તો,પણ કૈંક ખૂટે છે
કમી તારી જ નક્કી થઈ,'ને નીકળ્યો છું !

સરાજાહેર દીધું'તું વચન તેં,પણ
ન આગળ કાર્યવાહી થઈ,'ને નીકળ્યો છું !!


ડો.મહેશ રાવલ

1 Comments:

At 9:22 PM , Blogger Harshad Jangla said...

Maheshbhai

Pratiksha khud samasya thai....

Very nice poem.
Dhanyavad.
-Harshad Jangla
Atlanta, USA

 

Post a Comment

Subscribe to Post Comments [Atom]

<< Home