સંડોવણી.....

નિત્ નવી સંડોવણી કરતાં રહે છે
સ્વપ્ન,વાદળ જેમ વિસ્તરતાં રહે છે !

ક્યાંય દેખાતી નથી એવી નદીને
કેટલી ભરપૂર ચીતરતાં રહે છે !

હું ય બસ,જોયાં કરૂં છું બે-ફિકર થઈ
એય કેવાં મોજથી ફરતાં રહે છે !

સૂર્યનું ડૂબી જવું ક્યાં હોય છે ત્યાં?
કે,ન જળમાં પંકજો તરતાં રહે છે !

આમ તો મારા જ કિસ્સા વર્ણવે છે
તોય કેવા દંભ આચરતાં રહે છે !

કોઇ તો સિંચન કરે છે,આડકતરૂં
એટલે તો આમ પાંગરતાં રહે છે !


ડો.મહેશ રાવલ