વાત નોંખી !
પગલે-પગલે ભાત નોંખી
ભાતે-ભાતે જાત નોંખી !
ટોળું થઈ સપનાં ફરે,પણ
સપને-સપને વાત નોંખી !
રસ્તો,કેડી,'ને વળાંકો
માથે ભમતી ઘાત નોંખી !
અવસર,અવઢવ,સાદ,પડઘા
હર ક્ષણની ઓકાત નોંખી !
લીલી-પીળી ઝાંય વચ્ચે
વિસ્તરતી અમીરાત નોંખી !
ડો.મહેશ રાવલ
posted by ડૉ.મહેશ રાવલ @ 2:09 PM
3 Comments
3 Comments:
તમારી આ ગઝલની વાત જ નોખી..!
સુંદર રચના...
ટોળું થઈ સપનાં ફરે,પણ
સપને-સપને વાત નોંખી !
લીલી-પીળી ઝાંય વચ્ચે
વિસ્તરતી અમીરાત નોંખી !
પ્રથમ શેરમાં ‘પણ’ શા માટે ? કારણ કે જો ટોળું જ હોય તો પછી ત્યાં નોખાપણું જ હોય, અન્ય કશું નહીં !
બીજા શેરમાં ઝાંય અને અમીરાતનો સંબંધ સમજાયો નથી.
Post a Comment
Subscribe to Post Comments [Atom]
<< Home