પર્યાપ્ત માત્રામાં !
મળે છે એ,મળે છે ક્યાં બધું પર્યાપ્ત માત્રામાં
અપેક્ષા થઈ ફળે છે ક્યાં બધું,પર્યાપ્ત માત્રામાં !
નદીનેં પૂછશો તો એ ય,ઉત્તર એજ દેવાની
કિનારે ખળભળે છે ક્યાં બધું,પર્યાપ્ત માત્રામાં !
જતાં કે આવતાં સામું મળે,એ સર્વ વચ્ચેથી
મજાનું નીકળે છે ક્યાં બધું,પર્યાપ્ત માત્રામાં !
અલગ છે કે,તપાવ્યે જાય છે સૂરજ અવિરત,પણ
તપીનેં ઓગળે છે ક્યાં બધું,પર્યાપ્ત માત્રામાં !
પ્રસંગો પણ હવે ઉજવાય છે કાયમ,ઉચકજીવે
પ્રસંગો સાંકળે છે ક્યાં બધું,પર્યાપ્ત માત્રામાં !
અરીસો એજ કારણસર કદાચિત્ત મૌન પાળે છે
નજરમાં સળવળે છે ક્યાં બધું,પર્યાપ્ત માત્રામાં !
ડો.મહેશ રાવલ
3 Comments:
Nice gazal.
Ariso maun .....
very nice.
-Harshad Jangla
Atlanta, USA
નદીનેં પૂછશો તો એ ય,ઉત્તર એજ દેવાની
કિનારે ખળભળે છે ક્યાં બધું,પર્યાપ્ત માત્રામાં !
નદીનેં પૂછશો તો એ ય,ઉત્તર એજ દેવાની
કિનારે ખળભળે છે ક્યાં બધું,પર્યાપ્ત માત્રામાં !
- ખૂબસુરત શેર...
રદીફ પણ મજાની છે...
Post a Comment
Subscribe to Post Comments [Atom]
<< Home