આપણું મૂલ્ય !
પ્રસંગે-પ્રસંગે નિખરતું જવાનું
પછી,એ પ્રસંગો વિસરતું જવાનું !
શિરસ્તો હતો કાલ,'ને આજપણ છે
ન જીતી શકો તોય,રમતું જવાનું !
રહી કયાં કદી કોઇની બંધમુઠ્ઠી ?
ઉઘડતાં-ઉઘડતાં,ઉઘડતું જવાનું !
ઘડી,પળ,બધું હોય છે પૂર્વ નિશ્ચિત
સમય ફેરવે એમ,ફરતું જવાનું !
નથી આપણું મૂલ્ય ઝાકળથી ઝાઝું
ટપકતાં-ટપકતાં નિતરતું જવાનું !
ડો.મહેશ રાવલ
7 Comments:
ખૂબ સરસ રચના...
ઉઘડતાં ઉઘડતાં ઉઘડતું જવાનું..!વાહ મહેશભાઈ.
સરસ ભાવાભિવ્યક્તિ
જીવન આમ સરળતાથી લેવાય, એ જ મુક્તી અને મોક્ષ.
ઉઘડતાં-ઉઘડતાં,ઉઘડતું જવાનું !
-ક્યા બાત હૈ ! અદભુત રવાની...
નથી આપણું મૂલ્ય ઝાકળથી ઝાઝું
ટપકતાં-ટપકતાં નિતરતું જવાનું !
આ પંકિત મને ખૂબ ગમી.
adbhut rachna chhe, saheb.
નથી આપણું મૂલ્ય ઝાકળથી ઝાઝું
ટપકતાં-ટપકતાં નિતરતું જવાનું !
સાચે, કુદરત સામે આપણી વિસાત ઝાકળ જેટલી જ છે.સરસ પંક્તિઓ.
Post a Comment
Subscribe to Post Comments [Atom]
<< Home