Thursday, January 15, 2009


તો,લખ મને !


થીજી ગયેલું સ્વપ્ન થોડું ઓગળે,તો લખ મને
એકાદ કારણ ઓળખીતું નીકળે,તો લખ મને !

આશ્ચર્ય વચ્ચે આજપણ અકબંધ છે,ઇચ્છા બધી
પડખું ફરી સંબંધ પાછો સળવળે,તો લખ મને !

પ્રશ્નોત્તરી યોજાય છે,અપવાદના કિસ્સા વિષે
સંદર્ભનાં થર વાસ્તવિકતા સાંકળે,તો લખ મને !

તસ્વીરના ઐશ્વર્યનો ઈતિહાસ તો નિઃશબ્દ છે
ભાષાવગરના અર્થને વાચા મળે,તો લખ મને !

છાંયા વિષે કઈ ખાતરી આપી શકો,તડકાવગર ?
તાત્પર્ય લઈ વાદળપણામાં જળ ભળે,તો લખ મને !


ડો.મહેશ રાવલ

4 Comments:

At 12:58 AM , Blogger ...* Chetu *... said...

થીજી ગયેલું સ્વપ્ન થોડું ઓગળે,તો લખ મને
એકાદ કારણ ઓળખીતું નીકળે,તો લખ મને !

આશ્ચર્ય વચ્ચે આજપણ અકબંધ છે,ઇચ્છા બધી
પડખું ફરી સંબંધ પાછો સળવળે,તો લખ મને !
very nice..!!

 
At 6:21 AM , Blogger Unknown said...

થીજી ગયેલું સ્વપ્ન થોડું ઓગળે,તો લખ મને
એકાદ કારણ ઓળખીતું નીકળે,તો લખ મને !
સુંદર
તમારી જ વાત

બહુ જ કપરી છે સવારી, સ્વપ્ન અશ્વે સ્હેજ પણ એડી અડે, ... થીજી ગયેલી રાવ છે, તસ્વીરમાં
Pragnaju

 
At 1:18 AM , Blogger Unknown said...

sarasa rachana thai 6e maja avi gai

 
At 1:21 AM , Blogger Unknown said...

pls give your valuable feedback on my blogs:
www.ishqpalanpuri.wordpress.com
www.sspbk.wordpress.com

 

Post a Comment

Subscribe to Post Comments [Atom]

<< Home