ત્યાંસુધી તું રાહ જો...!
વારતા પૂરી કરી લઉં, ત્યાંસુધી તું રાહ જો
જાત આખી પાથરી લઉં, ત્યાંસુધી તું રાહ જો !
એક ભીંતે,સ્હેજ લૂણો લાગતો દેખાય છે
મૂળસોતો ખોતરી લઉં, ત્યાંસુધી તું રાહ જો !
પ્રશ્ન કેવળ છે સમયનો, આ તરફ-પેલી તરફ
વાસ્તવિક્તા આવરી લઉં, ત્યાંસુધી તું રાહ જો !
હોય દરિયો,એ કદી બંધાય છે ક્યાં કોઇથી ?
એ હદે હું વિસ્તરી લઉં, ત્યાંસુધી તું રાહ જો !
ડો.મહેશ રાવલ
4 Comments:
દરિયાની જેમ વિસ્તરવાની વાત સ્પર્શી ગઈ મહેશભાઈ.
દુનિયા સાંકડી થઈ ગઈ છે, સાથેસાથે માણસના મન પણ સાંકડા થયાનો અનુભવ છે ત્યારે સાચે જ, મનનો વિસ્તાર આવશ્યકતા વધી જાય છે.
સુંદર ગઝલ.
પ્રશ્ન કેવળ છે સમયનો, આ તરફ-પેલી તરફ
વાસ્તવિક્તા આવરી લઉં, ત્યાંસુધી તું રાહ જો !
- સરસ !
આ તુ શુ લઇ ને આવ્યો છે મારા માટે.
જીવિત છુ ને લાવ્યો છે કફન મારા માટે.
ઉજવણિ કરજે મારા ગયા પછી 'પ્રતિક',
પણ હમણા રાહ તો જો. મારા મરણ માટે.
પ્રતિક મોર
praitknp@live.com
Sunder gazal chhe Maheshbhai..jore kalam aur jiyada.
Post a Comment
Subscribe to Post Comments [Atom]
<< Home