વાત નોંખી !
પગલે-પગલે ભાત નોંખી
ભાતે-ભાતે જાત નોંખી !
ટોળું થઈ સપનાં ફરે,પણ
સપને-સપને વાત નોંખી !
રસ્તો,કેડી,'ને વળાંકો
માથે ભમતી ઘાત નોંખી !
અવસર,અવઢવ,સાદ,પડઘા
હર ક્ષણની ઓકાત નોંખી !
લીલી-પીળી ઝાંય વચ્ચે
વિસ્તરતી અમીરાત નોંખી !
ડો.મહેશ રાવલ
પછી,બે-ફામ રોયો છું અનાયાસે ખરી કૂંપળ,પછી બે-ફામ રોયો છું નજરસામે સુકાયું જળ,પછી બે-ફામ રોયો છું હતું કે,જિંદગી સાથે ઘરોબો કેળવી લેશું મળી નહીં કોઇ એવી પળ,પછી બે-ફામ રોયો છું ત્યજીબેઠો કિનારો,ખાતરી ઊંડાણની કરવાન આવ્યું કોઇરીતે તળ,પછી બે-ફામ રોયો છું
ન આવ્યો સ્હેજપણ અણસાર,ને પલટાઈ ગઈ બાજીકરી ગઈ જિંદગી ખુદ છળ,પછી બે-ફામ રોયો છું રમ્યો'તો બાટ છેલ્લી,જીતવા હારી ગયેલું હુંન આવ્યું કામ કંઈ અંજળ,પછી બે-ફામ રોયો છું
કસોટી પણ ન થઈ નક્કર,ન થઈ સરખામણી સધ્ધરઅપેક્ષાકૃત્ મળ્યું નહીં ફળ,પછી બે-ફામ રોયો છું ડો.મહેશ રાવલ
સંડોવણી.....
નિત્ નવી સંડોવણી કરતાં રહે છેસ્વપ્ન,વાદળ જેમ વિસ્તરતાં રહે છે !ક્યાંય દેખાતી નથી એવી નદીનેકેટલી ભરપૂર ચીતરતાં રહે છે !હું ય બસ,જોયાં કરૂં છું બે-ફિકર થઈએય કેવાં મોજથી ફરતાં રહે છે !સૂર્યનું ડૂબી જવું ક્યાં હોય છે ત્યાં?કે,ન જળમાં પંકજો તરતાં રહે છે !આમ તો મારા જ કિસ્સા વર્ણવે છેતોય કેવા દંભ આચરતાં રહે છે !કોઇ તો સિંચન કરે છે,આડકતરૂં એટલે તો આમ પાંગરતાં રહે છે !ડો.મહેશ રાવલ
'ને,નીકળ્યો છું !હતું એ ત્યાં જ છોડી દઈ,'ને નીકળ્યો છું તને મળવાની ઈચ્છા લઈ,'ને નીકળ્યો છું !પ્રતીક્ષા ક્યાંસુધી કરવી,ઉચક્જીવે ?પ્રતીક્ષા ખુદ સમસ્યા થઈ,'ને નીક્ળ્યો છું !નથી કંઈ હાથમાં,તો શું કસું મુઠ્ઠી ?હકીકત સ્પષ્ટ થાતી ગઈ,'ને નીકળ્યો છું !બધું છે આમ તો,પણ કૈંક ખૂટે છેકમી તારી જ નક્કી થઈ,'ને નીકળ્યો છું !સરાજાહેર દીધું'તું વચન તેં,પણન આગળ કાર્યવાહી થઈ,'ને નીકળ્યો છું !!ડો.મહેશ રાવલ
ને તું જો પછી !એકાદ અવસર આપ, ને તું જો પછીઅધિકાંશ ઉત્તર આપ, ને તું જો પછી !કોણે કહ્યું કે આભને સીમા નથી ?બે પાંખ સધ્ધર આપ, ને તું જો પછી !શું થઈગયું જો હાથ કેવળ બે જ છેઆધાર નક્કર આપ, ને તું જો પછી !એકેક પગલે આવશે શરણે, બધાપડકાર નવતર આપ, ને તું જો પછી !મૃગજળનેં જળની જેમ ખળખળતાં કરૂંકાબૂ તરસ પર આપ, ને તું જો પછી !મેં કેળવ્યો છે આગવી રીતે મનેઅમથું ય નડતર આપ, ને તું જો પછી !હું હર તબક્કે, હર ક્ષણે છું જોખમીસંજ્ઞા નવેસર આપ,ને તું જો પછી !
ડો.મહેશ રાવલ